Rreth flamurit të përbashkuar,
me një dëshir’ e një qëllim,
të gjith’ atje duke u betuar,
të lidhim besën për shpëtim.

Prej lufte veç ai largohet,
që është i lindur tradhëtor.
Kush është burrë nuk frikësohet,
por vdes, por vdes si një dëshmor.

Në dorë armët do t’i mbajmë,
të mbrojmë atdheun në çdo kënd.
Të drejtat tona ne s’i ndajmë,
këtu armiqtë s’kanë vënd.

Se Zoti vetë e tha me gojë
që kombe shuhen përmbi dhé.
Por Shqipëria do të rrojë,
për të, për të luftojmë ne.

Himni Kombetar!

Marrë nga Ministria e Punëve të Jashtme